حاسب نفسك

موضوع: حاسب نفسك الثلاثاء يوليو 07, 2009 6:39 pm

بسم الله الرحمن الرحيم
السلام عليكم ورحمة الله وبركاته
اليوم جتني هالرساله بالأميل وحبيت انقلها لكم
في يوم سنه 1430 توفي فلان ابن فلان تغمده الله بواسع رحمته اثر سكته مفاجئه انا لله وانا اليه راجعون..

كان رحمه الله عضو في منتدى وكانت له مواضيع كثيره وردود اكثر وله اصدقاء وله حبيبه وله والدين على قيد الحياه..

رحمة الله عليه..

تخيل ان هذا هو انت او انتي..

طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

جاء بكره واخوانك واهلك واصحابك ماناموا يبكوووووون عليك بجد..

جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان..

شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..

صااااااااح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرا عليك الفاتحه

الله اكبر

والكل دعا لك وتوسل لك عند اللي انت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب

جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا

وانت

تسمع قرع نعالهم اقفوا وخلوووووووووووووووك..

وعزاك 3 ايام وينسووووونك..

وانت

ماعندك ولاااااااااشي.. جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم...

جيت ضيف عند اللي رزقك وعزك عن الحاجه والسؤال..

جيت ضيف عند اللي خلاك في امان ..واغناك..

جيت ضيف عند اللي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..

ياترى حبيبتك اوحبيبك اللي انت فرحان فيها ولا حتى تلعب عليهاااا ..وش بتسوي .. اتحداك تصيح عند اهلها وش تقول ؟؟؟ خويي مات..

بتسكت وبيعزونها صديقاتهاااا وبتمر الايام وبتتزوج وتسحب على الذكريات...

غرفتك بتقول ياااارب انا غرفة فلان كان يسوي فيها ويسوي فيهااااا

سيارتك بتحكي

جوالك بينطق

اي ارض مشيت عليها بتقول يااارب فلان اللي مات سوى كذا وسوى كذاااا

وانت

ماعندك حتى كلمه قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت .. واللي عزك وعلاك وكبرك.. الحنان المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

انا ماقلت هالكلام الا والله اخشى واخاف اني ما الحق على عام 1431 ويقدر ربي سبحانه ان مااكمل السنه ويكون اخر مره اتنفس فيها

ارجوك حاسب نفسك

ولاتعتذر للي ظلمته ولكن كف اذاءك عنه

وصل فرضك

رحمة من ربي تغفرلك ذنوبك

يلا انت وهي اعزم وتوكل انك تخلي اخر هالسنه مسك.. والله ماتدري يمكن كل اللي قريته فوق يكون جد وصدق ويتحقق..
اللهم بلغت اللهم فاشهد

اللهم بلغت اللهم فاشهد

اللهم بلغت اللهم فاشهد

/
\
/

وعن نفسي ان شاءالله مسآمحــــــــه الكـــل ..

!!يلآ دوركم

موضوع: رد: حاسب نفسك الثلاثاء يوليو 07, 2009 8:06 pm

الله وكبر الله وكبر

على هذا الموضوع
والله ابكيتنى ابو فجر
الله يرحمنا الله يرحمنا
كل كلامك يتمحور حول
منهو مذنب فعلا الهم اغفر الذنب

موضوع: رد: حاسب نفسك السبت يوليو 11, 2009 8:05 pm

جزاك الله خيرا اخي الغالي ابا فجر

على هذا النقل الرااااائع

بصرااااحة موضوع مفيد وأسأل الله ان يجعله في ميزان حسناتك

اللهم ارحم ضعفنا وتجاوز عن تقصيرنا وآثامنا برحمتك ياارحم الراحمين

اللهم اغفر لنا ولوالدينا ولإخواننا
ولجميع المسلمين
يارب العالمين

موضوع: رد: حاسب نفسك السبت يوليو 11, 2009 11:40 pm

موضوع: رد: حاسب نفسك الأحد يوليو 12, 2009 4:15 am

اللهم ارحمنا برحمتك
ولاتكلنا الى انفسنا ياحي ياقيوم
جزيت خيرا أبوفجر عــ الوعظ و التذكير
محبــــــــــــــــــــــــــــــــــك